2014 جىلعى 22 تامىز, استانا قالاسى
سوتتالعانداردى جازاسىن وتەۋ ءۇشىن قىلمىستىق-اتقارۋ جۇيەسىنىڭ مەكەمەلەرىنە جىبەرۋ قاعيداسىن بەكىتۋ تۋرالى
قازاقستان رەسپۋبليكاسىنىڭ 2014 جىلعى 5 شىلدەدەگى قىلمىستىق-اتقارۋ كودەكسىنىڭ 16-بابىنىڭ 4) تارماقشاسىنا سايكەس, بۇيىرامىن:
1. قوسا بەرىلىپ وتىرعان سوتتالعانداردى جازاسىن وتەۋ ءۇشىن قىلمىستىق-اتقارۋ جۇيەسىنىڭ مەكەمەلەرىنە جىبەرۋ قاعيداسى بەكىتىلسىن.
2. قازاقستان رەسپۋبليكاسى ىشكى ىستەر مينيسترلىگىنىڭ قىلمىستىق-اتقارۋ جۇيەسى كوميتەتى (ب.م. بەردالين):
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى جانە ونى كەيىننەن رەسمي جاريالاۋدى;
2) وسى بۇيرىقتى بەلگىلەنگەن تارتىپتە «ادىلەت» اقپاراتتىق قۇقىتىق جۇيەسىنە جانە رەسمي اقپاراتتىق بۇقارالىق قۇرالدارىنا جاريالاۋدى;
3) وسى بۇيرىقتى قازاقستان رەسپۋبليكاسى ىشكى ىستەر مينيسترلىگىنىڭ ينتەرنەت-رەسۋرسىنا ورنالاستىرۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ىشكى ىستەر ءمينيسترىنىڭ ورىنباسارى پوليتسيا پولكوۆنيگى ب.ب. بيسەنقۇلوۆقا جانە قازاقستان رەسپۋبليكاسى ىشكى ىستەر مينيسترلىگىنىڭ قىلمىستىق-اتقارۋ جۇيەسى كوميتەتىنە (ب.م. بەردالين) جۇكتەلسىن.
4. وسى بۇيرىق جاريالانۋعا جاتادى جانە 2015 جىلعى 1 قاڭتاردان باستاپ ەنگىزىلەدى.
مينيستر پوليتسيا گەنەرال-لەيتەنانتى ق.قاسىموۆ.
قازاقستان رەسپۋبليكاسى ىشكى ىستەر ءمينيسترىنىڭ
2014 جىلعى 22 تامىزداعى №551 بۇيرىعىمەن بەكىتىلدى
سوتتالعانداردى جازاسىن وتەۋ ءۇشىن قىلمىستىق-اتقارۋ جۇيەسىنىڭ
مەكەمەلەرىنە جىبەرۋ قاعيدالارى
جالپى ەرەجەلەر
1. وسى سوتتالعانداردى جازاسىن وتەۋ ءۇشىن قىلمىستىق-اتقارۋ جۇيەسىنىڭ (بۇدان ءار – قاج) مەكەمەلەرىنە جىبەرۋ قاعيدالارى قازاقستان رەسپۋبليكاسى قىلمىستىق-اتقارۋ كودەكسىنىڭ (بۇدان ءارى – قاك) 90-بابىنىڭ تالاپتارىنا سايكەس سوتتالعانداردى قاج مەكەمەلەرىنە (بۇدان ءارى – مەكەمەلەر) جازاسىن وتەۋ ءۇشىن جىبەرۋ ءتارتىبىن ايقىندايدى.
2. باس بوستاندىعىنان ايىرۋعا سوتتالعانداردى جازاسىن ودان ءارى وتەۋ ءۇشىن قازاقستان رەسپۋبليكاسى ىشكى ىستەر مينيسترلىگى قىلمىستىق-اتقارۋ جۇيەسى كوميتەتىنىڭ (بۇدان ءارى – قاج كوميتەتى) جازباشا نۇسقاۋى (ناريادتارى) نەگىزىندە جۇزەگە اسىرىلادى. قاۋىپسىزدىگى ارالاس مەكەمەدەن مەكەمەگە جىبەرۋ تەك قاج كوميتەتىنىڭ نۇسقاۋلارى بويىنشا جۇزەگە اسىرىلادى.
3. باس بوستاندىعىنان ايىرۋعا سوتتالعاندار ولاردىڭ تۇزەلۋىنە قاجەتتى جاعدايلاردى, الەۋمەتتىك پايدالى بايلانىستاردى ۇستاۋدى, قاۋىپسىزدىكتى قامتاماسىز ەتۋدى جانە ولاردىڭ جاڭا قۇقىق بۇزۋشىلىقتار جاساۋىنىڭ الدىن الۋدى ەسكەرە وتىرىپ, مەكەمەگە جىبەرىلەدى.
4. سوتتالعاندى جازاسىن وتەۋ ءۇشىن باسقا وبلىستىڭ ءتيىستى رەجيم تۇرىندەگى مەكەمەسىنە جىبەرۋ قاك-نىڭ 88-بابىنىڭ 3-بولىگىندە كوزدەلگەن جاعدايلاردا قاج ۋاكىلەتتى ورگانىنىڭ شەشىمى بويىنشا رۇقسات بەرىلەدى.
5. قاك-نىڭ 17-بابىنىڭ 2-تارماعىنا سايكەس قاج-دىڭ اۋماقتىق ورگاندارى سوتتالعانداردى قىلمىستىق-اتقارۋ جۇيەسىنىڭ ۋاكىلەتتى ورگانى اۋماقتىق ورگانعا بەكىتكەن مەكەمەلەرگە جىبەرەدى.
6. سوتتالعانداردى مەكەمەلەرگە جىبەرۋ قاج كوميتەتىنىڭ نۇسقاۋلارى (ناريادتارى) بويىنشا جۇزەگە اسىرىلادى.
7. قاج كوميتەتىنىڭ نۇسقاۋلارى (ناريادتارى) بويىنشا مەكەمەلەرگە جىبەرىلگەن سوتتالعاندار ودان ءارى ونىڭ (قاج كوميتەتىنىڭ) رۇقساتىنسىز باسقا مەكەمەلەرگە جىبەرىلە المايدى.
8. قاج كوميتەتىنىڭ نۇسقاۋلارىن (ناريادتارىن) قاج كوميتەتىنىڭ ارنايى ەسەپكە الۋ ءبولىمى دايىندايدى جانە قاج-دىڭ اۋماقتىق ورگاندارىنا ورىنداۋ ءۇشىن جولدانادى.
9. نۇسقاۋلارعا (ناريادتارعا):
1) قاج كوميتەتىنىڭ توراعاسى (نەمەسە ونىڭ مىندەتىن اتقارۋشى ادام);
2) قاج كوميتەتى توراعاسىنىڭ ورىنباسارلارى قول قويادى.
10. اسا اۋىر قىلمىس جاساعانى ءۇشىن بەس جىلدان اسا مەرزىمگە سوتتالعان ادامدار, تۇرمەدە جازاسىن وتەي وتىرىپ, قىلمىستىڭ قاۋىپتى قايتالانۋى, سونداي-اق ءولىم جازاسى تۋرالى ۇكىمى ماروتوري ەنگىزگەنگە دەيىن كۇشىنە ەنگەن نەمەسە ءولىم جازاسىن ورىنداعانعا دەيىن ءماراتوريدىڭ ارەكەتى كەزىندە ادامدار تولىق قاۋىپسىز مەكەمەلەرگە جىبەرىلەدى.
11. سوتتالعاندار تولىق, ورتاشا قاۋىپسىز جانە بارىنشا قاۋىپسىز مەكەمەلەردەن قاۋىپسىزدىگى بارىنشا تومەن مەكەمەلەرگە الەۋمەتتىك پايدالى بايلانىستاردى ۇستانۋ ءۇشىن قاجەتتى جاعدايلاردى ەسكەرە وتىرىپ, قاج كوميتەتىنىڭ نۇسقاۋلارى نەگىزىندە جىبەرىلەدى.
12. قاۋىپسىزدىگى بارىنشا تومەن مەكەمەلەردە جازانى وتەۋدىڭ بەلگىلەنگەن ءتارتىبىن بۇزعان جاعدايدا سوتتالعاندار ولار كەلگەن مەكەمەگە جىبەرىلەدى.
13. قىلمىستىڭ قاۋىپتى قايتالانۋى, ءومىر بويىنا باس بوستاندىعىنان ايىرۋعا, ءولىم جازاسى تۇرىندەگى جازاسى كەشىرىم جاساۋ تارتىبىندە باس بوستاندىعىنان ايىرۋمەن اۋىستىرىلعان جازالارىن تولىق قاۋىپسىز مەكەمەدە وتەۋگە سوتتالعاندار, سوتتالعان ايەلدەر, كامەلەتكە تولماعان سوتتالعاندار ءتيىستى مەكەمەلەردىڭ ورنالاسقان جەرى بويىنشا جازاسىن وتەۋ ءۇشىن جىبەرىلەدى.
14. تەرىس مىنەزدەلەتىن كامەلەتكە تولماعان جانە جازانى وتەۋ كەزەڭىندە ون سەگىز جاسقا تولعان سوتتالعاندار سوت قاۋلىسىنا سايكەس كامەلەتكە تولماعانداردى ۇستاۋعا ارنالعان ورتاشا قاۋىپسىز مەكەمەلەردەن ولار بەكىتۋگە سايكەس ءتيىستى رەجيم تۇرىندەگى مەكەمەگە ودان ءارى جىبەرۋ ءۇشىن كەلگەن قاۋىپسىزدىگى ارالاس مەكەمەگە جىبەرىلەدى.
ون سەگىز جاسقا تولعان باس بوستاندىعىنان ايىرۋعا سوتتالعاندار ولاردىڭ كەلىسىمىمەن, بىراق ولار جيىرما جاسقا تولعانعا دەيىن عانا مەكەمەدە قالدىرىلۋى مۇمكىن. ون سەگىز جاسقا تولعان باس بوستاندىعىنان ايىرۋعا سوتتالعانداردى مەكەمەدە قالدىرۋ تۋرالى شەشىمدى مەكەمە باستىعىنىڭ ۇسىنىمى نەگىزىندە سوت قابىلدايدى.
15. سوتتالعانداردى جازاسىن وتەۋ ءۇشىن قاۋىپسىزدىگى ارالاس مەكەمە اكىمشىلىگى كۇنتىزبەلىك ون كۇننەن كەشىكتىرمەي زاڭدى كۇشىنە ەنگەن ۇكىمدى ورىنداۋ تۋرالى سوت وكىمىن العان كۇننەن باستاپ جىبەرەدى.
16. قاۋىپسىزدىگى ارالاس مەكەمە اكىمشىلىگى ەكى جۇمىس كۇنى ىشىندە سوتتالعاننىڭ تاڭداۋى بويىنشا جۇبايىنا (زايىبىنا) نە تۋىسقاندارىنىڭ بىرىنە نە وزگە ادامعا ونى جازاسىن وتەۋ ءۇشىن قايدا جىبەرىلەتىنى تۋرالى جازباشا حابارلاما جىبەرۋگە مىندەتتى.
17. باس بوستاندىعىنان ايىرۋعا سوتتالعاندار جازانى وتەۋدىڭ ءبىر ورنىنان ەكىنشىسىنە ايداۋىلمەن اۋىستىرىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 26 قىركۇيەكتە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №9759 بولىپ ەنگىزىلدى.